شاعر مدفوع الأجر ■ بقلم الشاعرة زينب سليم أحمد
◇■◇■◇■◇■◇■◇■◇
إوعى لقلمك ........ ينكسر
ولا عزيمتك ........ تنطفى
اسمع كلامي ... المختصر
لا يوم تقع ..... ولا تنكفى
دا ياما ناس كتبت لناس
لا كان لهم جدر .. واساس
وعاشوا دور ....ان خلاص
بقوا رسولنا المصطفى ..!!
واسرع م البرق لقينا اوام
ليهم دواوين وكمان ألقاب
كدبة بتكشفهالنا ..... الأيام
لما الدلدول .... اتبخر غاب
وقتها تظهر .... انها قشرة
تقديرها زيرو على عشرة
ومرضها إشاعة أو فشرة
بتداري بيه الوهم الكداب
وتدّور على ... نحنوح تاني
لما الأول ......... غير سيره
وكتبلها ...... اشعار وأغاني
لشهور وسنين كتر خيره .!!
من يومها ..... عمالة تدور
على دلدول يكتب ويصور
ولآيها مبدع ........ بتحور
وآملها تشوف نحنوح غيره
أيام وشهور ولا كتبت بيت
مش فالحة ... تكتب رباعية
قالت مكسورة .. جوا البيت
وعيون حساد رشقت فيا ..!!
الناس تواسيها .. وبتراضي
وصبح دا طبيعي ودا العادي
موهومة تنادي . مين راضي
يقبل ويكون ..... دلدول ليا
✍️ Zainab Selim