قلب إزاز ❤️ بقلم الشاعرة زينب سليم أحمد
وروح متعلقة ..... فــ برواز
وعمر يفوت نعيش ونموت
لا شوفنا راحة ... ولا انجاز
قلب #إزاز
وناس كانوا ..... علينا عزاز
بقلب عنيد .. مشاعره جليد
وكنا نعدي .... ما احنا لذاذ
قلب #إزاز
قلب حنون ...... ولما اتغاظ
كتم جواه غيظه ...... وألمه
واللي عاشره .... لقاه ألماظ
قلب #إزاز
بيتحول ....... حديد وفولاز
ونبضه الهادي ..... م القسوة
عزف ألحان .....حزينة نشاز
قلب #إزاز
كان عايش مابين ألغاز ..!!!
لناس فــ الغش بمليون وش
حلال فيهم .. حريق الجاز
قلب #إزاز
سند على قلب قال عكاز .!!
ظنه أمان ....... لكنه اتخان
ولما اتهان ..... صبح استاذ
قلب #إزاز
في صد الظلم .. كان ممتاز
بيتآنى وخد حقه ولااستنى
وحابس حلمه ... فــ البرواز
قلب #إزاز
