أيام البركات♡ بقلم الشاعرة زينب سليم أحمد
◇■◇■◇■◇■◇■◇■◇
هلة علينا ........... 10 أيام
من أفضل ....... أيام العام
لياليها .......... تختم قرآنك
ونهارها ...... لصلاة وصيام
مد ايديك .... لفقير محتاج
ود مريض ..... بزيارة علاج
هد حدود ..... مليانة سياج
واقفة مابين صلة الأرحام
قرب من ناس ...... بيحبوك
ادعي كمان ..... لأمك وأبوك
إبقى سند ... لأختك وأخوك
إسأل ع الجار وارمي سلام
جهز حالك ... واحسب مالك
للأضحية ..... بقرش حلالك
يفرح بيها .... مسكين جالك
وف عيدك ....... خليه قدام
في أخرهم .... وقفة عرفات
تغفر عام جاي ... وعام فات
تحصد فيه .... كل الحسنات
وتعيش في ... محبة وسلام
