بموت في النكش ❤️ بقلم الشاعرة زينب سليم أحمد
بموت في النكش
◇■◇■◇■◇■◇■◇■◇■◇■◇■◇
هو انا لو قولت اني بحبك هتصدق ولااا
هتقول دي اكيد جاية تهزر ولا بتتسلى
مع انك حاسس من فترة ، وانا ع الفطرة
بحلم بالدنيا معاك هاتروق ...وتكون أحلى
صدقني العمر يادوب ساعة وبتجري اوام
واحنا بإيدنا نهني قلوبنا .... لسنين قدام
بس طاوعني وبلاها عناد .. لحسن لو زاد
هتلاقي مشاعري بتتحول لبعاد وخصام
انا اصلي برازي من يومي وبموت فالنكش
تضايقني راح اشق هدومي يومها مقولكش
راح اعاتب قلبك بقصيدة ... اصلي عنيدة
وف حبي هتاخد تأبيدة جد ماهوش قلش
يبقى تصدق انك مخلوق ..... بس عشاني
وتطاوع قلبي وتقدر ............... انه أناني
لو شافك ثانية لغيره تميل يومها ياجميل
هاتدوق الويل .. وساعتها هنساك وانساني
