من نظرة عين بقلم الشاعرة زينب سليم أحمد
5 رومانسية وننسى النكش شوية
💥💥 من نظرة عين 💥💥
◇■◇■◇■◇■◇■◇■◇■◇
يوم ماقابلتك ... كان يوم عيدي
واتجدد ......... دمي في وريدي
واما لمست بإيدك .......... إيدي
بقى دا ميلادي ،.... حقيقي بجد
انت وتر ....... قسم على عودي
وربيع فتح .......... ورد خدودي
عطر وفاح ....... لون لي ورودي
تفاحتين طارحين ....... ع الخد
واما تنادي ........ وتنطق إسمي
رعشة بتمسك ... قلبي وجسمي
واتحول انا ...... مجنون رسمي
ونبض القلب ....... يفوق الحد
بس اتجن .... واموت م الغيظ
لما تقول ........ على حد عزيز
اصل بغير ....... وانسى التركيز
لما لغيري ............. بتظهر ود
فــ عشان خاطري يانور العين
تفهمني ......... من نظرة عين
واللي مابينا ....... احنا الإتنين
يتدارى عن ............ أيها حد
ياللي ملكت الروح ..... بحنانك
وزماني ........ بقى هو زمانك
انا بتنفس ......... بس عشانك
وبدرت ايامك ............ بالورد
✍️ Zainab Selim
