الاحول والكركوبة بقلم الشاعرة زينب سليم أحمد
💥💥الأحول والكركوبة💥💥
◇■◇■◇■◇■◇■◇■◇■◇
اتلم المتعوس .......... والخايبة
واتعلق ............ بحبالها الدايبة
حية خبيثة ........ ورافقت ثعبان
ماهو عايب ..... ومصاحب عايبة
الأحول ........... ومعاه الكركوبة
اتحدوا ............. ولاد المنكوبة
والطوبة جت ....... فــ المعطوبة
والسايب ....... فرحان بالسايبة
لبساله محزق ............. وملزق
والأحول هايص ......... بيتلزق
وحياتك عندي ........... لتتهزق
واستنى مني ......... 200 نايبة
ياهبل ياعبيط ........ يابو ريالة
ياكبير عفاريت .......... السيالة
خطط ............ مع بنت الشغالة
مشاريعكم فاشلة ومش صايبة
الشايبة ............ بنت الشعنونة
والمجنون ......... ابن المجنونة
بقوا شعرا ..... وطبعوا الحلزونة
بقى نايب ..... والمحروسة نايبة
يامحني ........... ديل العصفورة
ابن الشحات ........... الأشفورة
عمال يصرف ....... ع السنيورة
والهبلة قابلة ....... عشان عايبة
هاتجيلي محايلة ..... ومسايسة
وفكرها مصطبة ..... وسوايسة
مش كل حريم ...... زي المايصة
هاتقع فــ هواك ... وتجيك دايبة
وداخلي تحدي ......... ومنافسة
بنوايا سودا ............ ومتخابثة
جاك 60 خيبة ... و100 كبسة
عامل مشروع .. ألبان رايبة .!!!
✍️ Zainab Selim