دي عوايدهم بقلم الشاعرة زينب سليم أحمد
💥💥 دي عوايدهم 💥💥
◇■◇■◇■◇■◇■◇■◇■◇■◇
قدمت سبتي ......... وقولت هالقى الحد
ملقيتش معروفي ......... مرة طمر مع حد
كررت فعل الخير ........ وعيدته ياما كتير
لله ومش للغير ........ وصبري فاق الحد
قدمت مليون سبت .... مالقيت الحد جاني
بتأذى ليل ونهار ......... ويقولوا اني جاني
أطلع من نقرة لدحديرة .......... بلا تأشيرة
حقد وغيرة .. مزروعة ف أرضي وانا الجاني
قدمت السبت ....... وكملت لباقي الاسبوع
ويوماتي استنى لكن بصحى م النوم مفزوع
ومحدش بقى زي الأول .......... ليلي يطول
ولقيت دنيتنا بتتحول .... لوحوش وسبوع
وعملت كأني مابعملشي ... ولا كانت فارقة
ولقيته العادي وعوايدهم واخدين ع الفرقة
العمر يادوب .... بوصل ف حبالهم وتدوب
حتى المحبوب ... طلع عازف ضمن الفرقة
✍️ Zainab Selim
