إستغنينا ..بقلم الشاعرة زينب سليم أحمد
💥💥 إستغنينا 💥💥
◇■◇■◇■◇■◇■◇■◇■◇
لما استنينا ............. إستغنينا
سهلنا الصعب .......... وعدينا
قالوا جراحنا .......... هاتموتنا
دوسنا ع الجرح ...... وخطينا
لما بعدوا عنا ........... وغابوا
وبكل قساوة .......... بيتغابوا
مسحوا من جوانا ..... الذكرى
ولا فارقة شكروا .... أو عابوا
ناموا على جنب ..... مريحهم
واختاروا مين يبقى ف ريحهم
من نفس طينتهم .. والأخلاق
وطباعهم واحدة .. هاتفرحهم
ياقلوب تعبانا ......... بقسوتها
وفارقنا خطاها ....... وسكتها
مين قال ف البعد ..... هنتألم
وراحتنا بنغزل ........ طرحتها
ياقلوب للخير كانت جاحدة
ويوماتي واقفة ع الوحدة
دا لحالي ... العيشة بتحلالي
والقلب محسش .... بالوحدة
ويوماتي بجدد .... وبخطط
والبال بقى رايق .... متظبط
لا بفكر ازعل يوم ... مخلوق
ولا حد عليا ......... بيتشرط
✍️ Zainab Selim
