تيك توك وفيس بوك بقلم الشاعرة زينب سليم أحمد
◇■◇■◇■◇■◇■◇■◇■◇
تيك توك .. تكاتاكت .. تاكا تيكو
جاكو 60 وكسة ...... اما تيجيكو
عالم ولا تعرف خشى .. ولا عيب
بتاجروا بأعراض ......... اهاليكو
اكمن النطع ........... راجل ناقص
لا يغير على عرضه وواد صايص
وساحبلي مراته ......... بتتمايص
شامتوم فيكو ............. اعاديكو
تيك توك .. تكاتاكت ... تاكا تيكو
جاكو 60 وكسة ....... اما تيجيكو
فيس فيس فسا فاكس فساسيكو
ياخي ملعون جاه .... اللي يجيكو
طالعين بتسبوا .... ف زيد وعبيد
وتصدروا ........... افكار معاليكو
وتقولوا بلدنا ........... بقيت غابة
وماسكها ............ تعالب وديابة
وبكل براءة ................ وطيابة
بتحللوا دولارات ........ مواليكو
تيك توك .. تكاتاكت .. تاكا تيكو
جاكو 60 وكسة ...... اما تيجيكو
بقى أيها تافه ............ تيك توكر
مهنة خبيثة ........ تودي ف توكر
من بعد اللطعة. ........ على الإمة
جاي الرمة ............ بيعمل جوكر
واخواته معاه ......... نادية ورباب
بعد ملفات ........... وقضايا أداب
فاتحين لايف ..... وبصورة هباب
والوش عليه ........... بويا ودوكو
تيك توك .. تكاتاكت .... تاكا تيكو
جاكو 60 وكسة ....... اما تيجيكو
